2011
Os propietarios buscaban unha casa con materiais naturais e que respondera a criterios ecolóxicos. Partíase dunha vivenda tradicional de muros pétreos, sobre a cal se crecera cunha intervención de pobre calidade e estética. Decídese retirar todos os engadidos conservando os muros de pedra orixinais. Os novos son realizados con termoarcilla, illamento exterior con planchas de corcho e acabado cun listonado de madeira de pino laricio. A estructura horizontal da vivenda resólvese con vigas de madeira de castiñeiro e eucalipto laminado. Empregáronse diversos illantes como as planchas de corcho natural, lá de ovella e celulosa. A cuberta resólvese con tableiro de fibras de madeira tipo Gutex e rastrelado para a colocación de tella cerámica. Os remates de cuberta están realizados en cobre. No interior, os tabiques de madeira e taboleiro de xeso. Os paramentos interiores de pedra e termoarcilla están revocados con morteiro de cal.
Arquitecto: Mike Lhemhaus
Arquitecta Técnica: María Ferreirós
Empresa constructora: Ecoservicios y Bioconstrucción Atlas, S.L.
Promotor: Privado